31.12.06

kolo marra wa7da ba2a :D

first HaPpY Ad7a FeAsT :)



SeCoNd HaPpY NeW yEaR :D











may all ur dreams come true and always in a progress in knowing urself & ur abilities more & more... :)

26.12.06

Recipe for miracles!




Ingredients:

1 part of knowing who you are
1 part of knowing who you aren't
1 part of knowing what you want
1 part of knowing who you wish to be
1 part of knowing what you already have before you
1 part of choosing wisely from what you have before you
1 part of loving & thanking for ALL you have ("bad" included)


Mixing Instructions:

Combine ingredients together gently and carefully.
Using faith and vision, mix together with strong belief of the outcome, until finely blended.
Use thoughts, words and actions for best results.
Bake until Blessed.Give thanks again.

Yield: Unlimited servings


that was sent 2 me by email from this site www.insight-inside.com
i thought of sharing cause i liked it very much.. enJoy :)

18.12.06

ونبتدي منين الحكاية؟!



يا ترى ابدأ الحكاية من ساعة ما خلصت من الكلية.. واللا من ساعة ما اشتغلت لأول مرة في حياتي.. واللا من ساعة ما سيبت الشغل.. واللا من ساعة ما اشتغلت تاني.. واللا من ساعة ما ماما ولدتني وطلعت للدنيا دي ؟! :)
ما فيش داعي ابدأ من ساعة ما ماما ولدتني عشان الموضوع هايبقي فوق قدرة اي حد على الاحتمال.. طيب انا مش هافكر ابدأ منين وانتوا وحظكم ..

الكلية..
يا سلام اتغيرت فيها شخصيتي جدا بقيت شخصية اجتماعية جدا لدرجة ان بقي ليا أصحاب كتير بالرغم اني للحظة دي اي حد مايعرفنيش يقول عليا هادية جدا جدا..! وهي دي الشيزوفرنيا يا ولاد.. ما علينا عرفت ناس كتير وكان دايما عندي الاستعداد اني اتعلم من الناس ومن النظام التعليمي... آسفة أصلي كنت فاكرة ان الكلية فيها نظام تعليمي! دخلت اعدادي هندسة وكلي حماس لأني كنت صاحبة الاختيار بالرغم من اني كنت بافكر جديا اني ادخل تجارة بس ماعرفش سبحان الله لاقيت الدنيا بتتوجه ناحية الكلية العجيبة دي.. قدر وانا راضية تماما ان ده كان الانسب لي.. اعدادي كانت سنة جميلة جدا بالرغم من معظم الناس كانت بتكرهها –بقولكم شيزوفرنيا!- لاقيت نفسي في الانتشار بين المواد والمذاكرة مع مجموعة أصحاب أنا وصديقة ليا كنا بنختارهم عشان كنا عايزيين نبقي مميزين.. ومرت سنة اعدادي وناس كملت وناس مشيت وكل أصحابي قرروا يدخلوا قسم مدني وانا ماعرفش ايه اللي خلاني اقرر ادخل قسم عمارة حسيت اني ممكن اوصل لحاجة من القسم ده يمكن عشان ميولي فنية شوية وهو كان القسم الاقرب –المفروض- من الاتجاه ده..

طيب..

سيبت الصحبة وسيبت معاها حاجات كتير هافضل افتكرها طول حياتي.. وقولت هاناضل بقي وكانت أولى عمارة اتصدمت من كل حاجة في حياتي في السنة دي! كانت سنة غريبة واكتشفت ان الناس كمان غريبة مش عارفة ليه بيفكروا بالطريقة دي؟ تحس عندهم الدنيا ملخبطة شوية يعني مثلا مش عارفين يتعاملوا مع بعض يمكن عايزين يساعدوا بعض بس الله اعلم ساعات كنت باحس ان المساعدات دي مش بنية خالصة والله أعلم! المهم السنة خلصت شيلت مادة وكويس أوي انها جات على أد كده تانية وتالتة تقريبا كانوا زي بعض تحس انك بتجري بتجري وفجأة تبص وراك ما تلاقيش حد وده طبعا معناه انك في الآخر ! الناس الكويسيين من الدكاترة أصبحوا قلة مندسة والأغلب يغلب عليه طبع الاستغلال والاستفزاز..

نيجي بقي للسنة الكبري الأخيرة كنت مكتئبة لأني حسيت اني راح من عمري سنين مش عارفة في ايه ولا طلعت منهم بإيه ..
أكتر حاجة كانت بتضايقني اني كنت بابقى كل اللي عايزاه اني أعرف الطريق وانا بعد كده امشي فيه بس الظاهر ان حتى دي كانت صعبة تحس الناس كانت بتهبش أي حاجة وبتهتش برضه أي حاجة والموضوع بقى شوية حاجات محفوظة وخلاص...

الانترنت..
بدأت علاقتي بالاختراع العجيب ده وانا في ثالثة ثانوي تقريبا وبدأت أدوس وعرفت حاجات كتير ومن ضمنها الاختراع المتمدين اللي اسمه الشات بتقول فيه اللي انت عايز تقولوه من غير ما تحس انك محرج أو خايف..
المهم كان تعاملي في الشات ده مع أصحابي اللي أعرفهم أصلا وساعات نادرة كنت باضيف ناس ماعرفهمش خالص لما كنت أحس ان دماغهم نظيفة وطبعا انتوا فاهميني..

في أولى عمارة لاقيت حد عايز يضيفني على المسينجر والملفت في الموضوع ان الايميل بتاعه كان بيبدأ بالكلمة التي طالما ارتبطت بيا (اركي) ودي يا جماعة اختصار (اركيتكت) اللي هوا شغلانتي قلت والله خير ده شكله يمكن يكون حد اعرفوا ولو معرفوش اعتقد انها هاتبقى فرصة كويسة انك تعرف حد في مجالك لذلك كان القرار اني اتعرف على الشخصية وانا طول عمري اقول على نفسي ان عندي بعد نظر في قراراتي (:

Arch_G
في خلال سنين الكلية من أولى لرابعة كان تعاملي معاه خفيف خفيييف ان ماكنش نادر معظم الوقت تجمعات مع مجموعتي عشان ابحاث وبتاع فامكنتش فاضية اتعلم او ادخل على النت اصلا او اعمل اي حاجة في حياتي..
لغاية ما كان اخر الترم الأول من رابعة عمارة وكان المفروض اني هاسلم مشروع –دي حاجة ملهاش دعوة بمشروع التخرج- في مادة بجد كنت باكرهها كره العمي مع ان كل الناس كانت بتقول انها اساسية في شغلي بس للأسف الدكاترة اللي كانوا مسئولين عنها ما كانوش فاهمين ان هما المفروض ينوروا بداية الطريق عشان الناس الغلابة اللي زي حلاتي تعرف تمشي فيه لأن مش كل الناس بتعرف تستلف كشاف فلورسنت تنور بيه الطريق!
كان القرار الخطير يا ادور على حد استلف منه كشاف انا كمان واقلب يا اتعلم مع نفسي ومش مهم المشروع وطبعا لأن اللي فيه طبع استحالة يغيره قررت اني ادور بنفسي واتعلم زي ما اتعلم ومش مهم المشروع! انا من امتي وانا باعمل زي الناس؟!
بصراحة في الفترة دي كنت بدأت مراحل نزع الروح الأخيرة قبل خروج روحي من هذه الكلية فا مكنتش متحمسة أوي فكان الموضوع بالنسبة ليا زي ما تقولوا كده تعليم حر, روقان بال, لا مبالاة, إهمال .. سموه زي مانتوا عايزين فكنت بدخل على النت كتير وفي تلك الفترة "جدو" بقى عرفني على خطيبته والاتنين بصراحة ما اتأخروش عليا في اي حاجة طلبتها منهم لدرجة اني استغربت ان لسه في ناس كده! يعني خطيبته كانت في اخر سنة برضه زي حالاتي فا كانت مشغولة لشوشتها ونظرا لتفرغ جدو –مش تفرغ اوي يعني كان دايما بيبقي وراه شغل وبلاوي متلتلة- بس برضه عمره الصراحة ما اتأخر عن حاجة طلبتها منه لدرجة اني رحتله الشركة اللي بيشتغل فيها عشان سلفني كمية كتالوجات رائعة فهمت منها حاجات كتير وكنت فرحانة اني باعرف حاجة جديدة ويتحرق المشروع بقي (:

الشركة
بيشتغلوا في نظام جديد حديث من الأرضيات الخشبية حاجة كده من غير رمل وخشب من تحت والقصص اللي الناس تعرفها غير نظم جديدة للاستخدام على أسطح المراكب وممكن كمان يتعمل منها أرضيات حمامات –كان لازم شوية الدعاية دول ;) – المهم أصل الموضوع في الاسكندرية ولسه فيه فرع جديد هنا في القاهرة بقاله سنة وجدو هو المدير بتاعه وبعديه في مهندسة شاطرة بقالها فترة وبرضه من اسكندرية كلهم أسرة مع بعضيهم (: المهم اقترح عليا اني انضم ليهم في الشركة وبصراحة حسيت انها فرصة كويسة خاصة اني عارفة ان الناس دول عمرهم ما هايبخلوا عليا بأي معلومات وهيساعدوني عشان ابقي احسن.. وانا الناس بالنسبة لي عامل مش حيوي ده أساسي..

خلصت الكلية
صحيح مقبول ومقبول –تراكمي ومشروع- بس ربنا يجعلنا دايما من المقبولين (: ده مبدئي في الحياة ومش عايزة اقولكم السعادة اني خلصت وخلصت –بكسر الخاء- ..
Arch قالي ها هاتنزلي الشغل امتى .. كنت متحمسة وقولتلوا من نصف اغسطس يعني يادوب رجعت من المصيف –راجع البوست بتاع اوعي السريع عشان تعرف المصيف انتهي ازاي- واستريحت كام يوم كده وبدأت حياتي المستقلة!

أول يوم في أول شغل في حياتي.. 15-8-2006
يوم جديد وشمسا مشرقة.. طبعا الحماس ايه جبار مسيطر عليا.. النهاردة أول يوم شغل.. يا سلام تقريبا أنا أول بنت تشتغل من دفعتي, الباقيين لسه, ربنا يكرمهم.. قمت من النوم بدري على غير عادتي وتأنقت بأه –أو هكذا تصورت- المهم نزلت أخدت المكيف الحمد لله وصلت في ساعة ونصف وكنت تقريبا في ميعادي هناك..
دخلت متحمسة لأول جزء من شغلي اللي كنت عارفة انه هايبقى تعليمي شوية –نظري- اخدت كتالوج كده في طرق تركيب وبتاع شوية وجه عم محمد قعد يقرا الجورنال قدامي قلت عادي مش مشكلة شوية ونزل الجورنال وسند على دراعه كده وبعدين نااااااااام!
لااااااااء اجمدي يا هبه الظروف مناسبة اه بس ده مش وقت نوم.. مش عايزة اقول الموضوع كان قد ايه قاتل –مقاومة النوم- في ظروف التكييف وشوية ملل تسربوا ليا بعد فترة قراءة طويلة وعدم وجود اي حركة خالص وعم محمد ! بعد شوية عم محمد قام الحمد لله فطلبت منه كوباية شاي انقاذا لباقي اليوم وبعدين سألت مديري جدو في شوية حاجات كده وخلص اليوم.. كنت في بيتنا الساعة 7:30 ...

ودلوقتي خلص الجزء الأول من البوست الجبار (:
تابعونا
الجزء القادم قريبا
اليوميات الخشبية في أول شغلانة ليا
(: