ولا خربت
ولا جابت جاز لا مؤاخذة
ده عيشة ظريفة جدا
ولا في دماغ ضربت
ولا حد بيشتكي لحظة
ماشية والقشيا معدن
عايشييييينننن في حرية
زمن القيود اختفى
اتحدي لو واحد
يوم انضرب بالقفا
والناس بتختشي
ولا حد بيرتشي
الله على الحياة
بقي لونها شفتيشي
داحنا لا صوتنا اتنبح
ولا في مالطة بندننننننن
دي لا باظت ولا خربت
ولا جابت جاز
لا مؤاخذة
ده عيشة ظريفة جدا
ولا في دماغ ضربت
ولا حد بيشتكي لحظة
ماشية والقشيا معدن
متأملين من الفقر الضنك
تعليم
علاج
وحساب في البنك
شقق مرمية
والشغل في كل حتة
واللحمة بسبعة جنيه
وساعات نلاقيها بستة
شقق مرمية
والشغل في كل حتة
واللحمة بسبعة جنيه
وساعات نلاقيها بستة
والكل منتعش
والكل منتشي
الله على الحياة
بقى لونها شفتشي
داحنا لا صوتنا اتنبح
دي لا باظت ولا خربت
ولا جابت جاز
لا مؤاخذة
ده عيشة ظريفة جدا
ولا في دماغ ضربت
ولا حد بيشتكي لحظة
ماشية والقشيا معدن
طبعا ده الرائع مدحت صالح من مسلسل سكة الهلالي اللي شفت انها سكتنا كلنا الأيام دي
من فترة والأغنية دي معلقة معايا قوي
قلت لا يمكن ابقي كده مع نفسي لازم اشرك الناس معايا
حسيت وانا باسمعها اني شايفة الصور دي قدامي مع كل كلمة
وحبيت اهديها لكم بمناسبة عيد العمال اللي ماباقوش عمال وبمناسبة الفرح الميمون اللي هيوافق يوم ميلاد اللي ماسكها ومش عارفين هايسيبها امتى
