شغل شغل .. هو كل يوم شغل شغل
بابا هيوصلني النهاردة الشغل هو انا ليه لازم اروح الشغل كل يوم
مش عارفة ونفسي اعرف
نفسي اعرف حاجات كتير اوي منها انا المفروض اعمل ايه في حياتي
ماهو ربنا ماخلقنيش عشان كده اكيد سبحانه وتعالى خلقني لسبب
لعبادته
ماشي بس ازاي؟!
مانا ممكن اعبد ربنا وانا قاعد مكاني وممكن اعبد ربنا وانا مع الناس وممكن اعبد ربنا وانا باعمل مية حاجة..
هو ممكن الموت يجي في لحظة !
انا مش باسأل عشان مش عارفة انا بس مش مستوعبة
من شوية لقيت واحد زميلنا في الشغل داخل وشايل ولد صغير لابس بدلة زي بتاعت بتوع النظافة وكاب قديم وكوفية قديمة طويلة قوي عليه ملفوفة على رقبته
ولاقيت زميلنا بيقولي هبه خللى بالك منه هاروح اجيب عربيتي واجي اشوف هانعمل وراح واخدني على جنب وقالى اصل كان في اتنين منهم باباه وقعوا في بلاعة وغرقوا ماتوا !
الولد شاف باباه بيموت قدامه
الولد قعد يعيط ويقول انا عايز ابويا ومن كتر عياطه وهلعه خاف لزميلنا ده حتي يسيبوه ويخرج, راح معاه غسله وشه والولد برضه مش ممكن شكله وهو بيعيط يقطع القلب.. صعب قوي ان راجل يعيط بس مع الموقف شفت زميلنا حابس الدموع في عينه بالعافية دخلت مكتبي وانفجرت في البكاء بكيت على اللي احنا فيه بكيت لأني تصورت ان يكون واحد مهما كان غلبان مصيره انه يغرق وف بلاعة كمان!
كمان شوية ماستحملتش اقعد في المكتب خرجت في الريسبشن بره لاقيت زميلنا جي سألته ها واديت الولد فين قاللى الحمد لله طلعوهم من البلاعة بس عندهم اصابات والولد الصغير سابه مع جده..
يا رب
احفظ كل المساكين اللي مالهومش غيرك
يا رب
احشرنا في زمرة المساكين
يا رب
احسن خاتمتنا
يا رب
احسن خاتمتنا وتوفنا إليك مكرمين
لحظة بس تسوى كتير
ياااااه
الحمد لله العظيم اللطيف مدبر الأمر كله
دخلت المكتب وكأني لسه بابدأ اليوم سمعت صوت ميه بره الشباك اللى كان موارب بصيت لاقيت الراجل الطيب ده من عمال النظافة اللي كان من اسبوعين واخد سلفة عشان يجوز بنته وبعد ماجوزها جالنا فرحان قوي واده كل واحد شيكولاتين
لاقيته بيسقي الزرع رحت فاتحة الشباك وقلتله صباح الخير
قالي يا صباح الورد وعلى وشه ابتسامة تسوى كتير قوي
ابتسامة شفتها علي وشه فضلت مستمرة حتى بعد ما قفلت الشباك اللى عامل زي المراية ده واللى اداني الفرصة اني افضل شايفة ابتسامة السعادة على وشه حتى بعد اما قفلت
ابتسامة خلتني مبسوطة جدا بعد ما كنت من لحظات حزينة جدا
الناس دي مش عايزة حاجة غير لقمة مش لازم تشبعهم قوي وهدمة تسترهم وحد يعاملهم بحنية وذوق من غير مايحسسهم انه بيعطف عليهم
اااه لو الناس تفكر لحظة انها في الآخر مش هاتخد حاجة ومش هايبقلها حاجة غير عمل وحتي لو معاها عمل من غير رحمة ربنا ما يسواش حاجة
كان لازم اكتب اللى حسيت بيه وف وقته والا ماكانش هايطلع كده
خزعبلات سموها أو خواطر أو أي حاجة المهم ان دي انا
9 comments:
هبه
هي ليست خزعبلات ولا خواطر
ولكنها الالام يوميه متواليه ولكني لانك حساسه فقد اثرت فيكي انما تمر علي كثير منا مرور الكرام
الحمد لله ان الموضوع خلص على خير وياريت الناس اللي فوق دية تحس بالناس الغلابة وتكفل لهم ابسط حقوقهم في الحياة ولا اقول تمن عليهم بمسعادتهم الجليلة
انه ما اسميه متواليات الاثار الجانبية لآفة الاحساس
انها تكل الحياة البغيضة التي جئنا اليها دون ارادتنا لنتعذب و نقمع و نقهر و نري القليل من اهوالها .. اكرر القليل من اهوالها .. ثم نرحل عنها ايضا دون ارادتنا
لأن المسافة بين الميلاد و الوفاة ليست طويلة ... تبقي الافكار و الكلمات
فقط
بجد بحييكى ..كلامك بسيط بس لمس كتيير
الاحساس بالاخريين والتعاطف معاهم من غير من حسسهم بالمذله دى اجمل حاجه نعملها بمنتهى السهوله ..لا وبناخد عليها ثواب كمان
ياريت الناس تفهم حاجه زى دى
مش بالضرورة يكون التعاطف مع الناس البسيطه بس المفروض انه يكون منتشر بين الناس ..الاصحاب والزمايل والجيران..يعنى اى حد محتاج العاطفه دى منبخلش عليه بيها تحت مسميات الكبرياء والمكانه والوقار والحاجات الغريبه دى
سلامى ليكى
:)
ياريت كلنا نحس ببعض
الغنى بالفقير
والقوى بالضعيف
والكبير بالصغير
يا ريت
esmaha 7ayah begad! :)
awln ahlan beky tany :D
w 7amdla 3l salama w elkalam elketeeeeeer da :)
fakarteeny be 7aga kont katebha zamaaaaaaaaaaaaaaaan 2wy
الأحساس في وشوش الناس غريب و ما بينقاس
فيه ناس تشوفهم تفرح منغير سبب مفهوم
و ناس تشوفهم تقرف
و ناس تشوفها ... تقوم
و ناس تشوفها لمره
و تروح و متنسهاش
و ناس مهما بتشوفها علي طول متفتكرهاش
ma 3lena y3ni ..nice post :)
where r u hobyyyyy
i miss u & miss ur blogs
ya rab tkony b5er(:
ely saybny saybaaak...lool
kl sana wenty tyba ..i missed ur blog wlahy..and im back
Post a Comment